Ponte... nas ondas

E aquí están os gañadores nos concursos desta nova edición de Ponte...Nas Ondas. Lembrade de enviar un email a Este enderezo de correo-e está protexido contra spam bots, necesitas ter o Javascript activado para podelo ver   para poder enviar o premio.

NORABOA ÁS E AOS GAÑADORES

MÁIS DE 70 CENTROS DE 7 PAÍSES NA XIV EDICIÓN

A XIV edición da xornada de radio interescolar logra o apoio unánime dos máis novos na defensa do patrimonio inmaterial galego-portugués a patrimonio da Humanidade.

Tamén as dúas conselleiras da Xunta de Galicia, Mª  José Caride e Teresa Táboas, que pasaron por esta edición de Ponte...nas ondas! en directo no Auditorio da Escola de Telecomunicación da Universidade de Vigo, a preguntas dos máis novos, mostraron o seu apoio a nova presentación da Candidatura do Patrimonio Inmaterial Galego-Portugués diante da UNESCO e tamén ao labor que está a desenvolver Ponte...nas ondas!

As conselleiras de Obras Públicas e de Vivenda, Mª José Caride e Teresa Táboas estiveron hoxe en Vigo na programación da XIV edición de Ponte...nas ondas! que abordou nesta edición a Identidade e o territorio. Ambas conselleiras responderon en directo ás preguntas formuladas por alumnado de galego e portugués.

Mª José Caride foi entrevistada no Auditorio da Escola Técnica Superior de Telecomunicación no inicio da presentación da xornada ás 9.30 hs. da mañá. Teresa Táboas pasará polo mesmo auditorio ás 12.30 hs. da mañá para someterse ás preguntas do máis novos.

Despois de seren premiados nos XII Premios da Música española o pasado mes de abril como Mellor Album Tradicional e Mellor Canción en Galego. “ Nós, nos nosos concertos polo mundo facemos sempre moito fincapé da nosa estreita relación con Portugal”.
Luar na Lubre acadou na gala dos Premios da Música, o pasado 3 de Abril, o recoñecemento de Mellor Album Tradicional por "Camiños da fin da terra" e Mellor Canción en Galego co tema "Canto de andar". Veñen así de conseguir un pleno de oito premios en todos aqueles a que o grupo estivo nomeado.